सेवाग्राहीको खाताबाट ९ लाख हराएको भन्दै माछापुच्छ्रे बैंक चन्द्रपुरमा घेराउ 

रौतहट — सेवाग्राहीको खाताबाट ९ लाख रुपैयाँ हराएको भन्दै माछापुच्छ्रे बैंकको चन्द्रपुर शाखा कार्यालयमा घेराउ गरिएको छ । आइतबार ८ लाख रुपैयाँको चेक साट्न गएका बृन्दावन नगरपालिका–३ का रामेश्वरराय यादवको खाताबाट रहस्यमय तरिकाले ९ लाख रकम गायब भएपछि रातिसम्म पीडित पक्षले बैंकमा घेराउ गरेका हुन् ।

बैंक शाखा परिसरमा पीडित पक्षले घेराउ गरिरहँदा कार्यालयमा प्रहरी, प्रदेश सांसदलगायत जनप्रतिनिधि घटना मिलाउने प्रयासमा छन् ।