श्रीसदनसँगैको ‘ऐश्वर्य बगैंचा’ सर्वसाधारणका लागि खुल्दै

काठमाडौं । स्वर्गीय राजा वीरेन्द्र वीरविक्रम शाह र रानी ऐश्वर्य राज्यलक्ष्मी शाहले आफैंले स्याहारसुसार गर्ने गरेको ‘ऐश्वर्य बगंैचा’ सर्वसाधारणका लागि खुला हुने भएको छ । नारायणहिटी दरबार संग्रहालय गणतन्त्र स्मारक व्यवस्थापन तथा सञ्चालन विकास समितिले यो वर्षभित्र सो पार्क खुला गर्न लागेको हो ।

विशेष गरी रानी ऐश्वर्यले आफ्नो सोखका लागि निर्माण गरेको सो बगंैचा हाल खाली चौर जस्तो अवस्थामा रहेको छ । उक्त बगंैचामा रानी ऐश्वर्य र राजा वीरेन्द्रले रोपेका दुर्लभ मानिएको फूल र बोटबिरुवा पुनः रोपिने जानकारी दिँदै समितिका प्रमुख डा. सुरेशसुरस श्रेष्ठले नेपाल समाचारपत्रसँग भन्नुभयो– ‘वार्षिक कार्यक्रमअनुसार बगैंचा निर्माण शुरु गरिएको छ । श्रीसदन परिसरमा रहेको सो बगंैचा सफाइ गर्ने काम भइरहेको छ । समितिले बगैचामा रहेका सबै बोटबिरुवा र फूलको संरक्षण शुरु गरेको छ ।’