एप्पलले छाडेन आइफोन ११ को साथ, आईओएस २७ अपडेट सुनिश्चित

काठमाडौं । एप्पलले आगामी आईओएस २७ मा मोबाइल अपरेटिङ सिस्टमको कार्यसम्पादन सुधार गर्नुका साथै एप्पल इन्टेलिजेन्स र सिरी एआई मार्फत कृत्रिम बुद्धिमत्ता (एआई) सम्बन्धी सुविधाहरू विस्तार गर्ने योजना अघि सारेको छ ।

कम्पनीले यस वर्ष कुनै पनि आइफोन मोडेलको सफ्टवेयर समर्थन बन्द नगर्ने निर्णय गरेको छ । त्यसैले आईओएस २६ चलाउन सक्ने सबै आइफोन मोडेलहरूले आईओएस २७ को अपडेट प्राप्त गर्ने अपेक्षा गरिएको छ । यसमा सात वर्षअघि सार्वजनिक भएको आइफोन ११ पनि समावेश छ ।