चियापानसँगै यात्रु र नागरिकसँग चाडपर्व सुरक्षा संवाद

चाडपर्वका बेला हुन सक्ने सुरक्षा चुनौती, यात्रुले भोग्ने समस्या र नागरिकका सुझाव संकलन गर्न जिल्ला प्रहरी कार्यालय सुर्खेतले सार्वजनिक स्थलमै पुगेर नागरिकसँग संवाद गरेको छ ।

दसैं, तिहार र छठ पर्वलाई लक्षित गर्दै जिल्ला प्रहरी कार्यालय सुर्खेतले कर्णाली प्रदेश निर्माण व्यवसायी महासंघको सहयोग तथा समन्वयमा वीरेन्द्रनगरको बसपार्क र घण्टाघरमा चियापानसहित सुरक्षा सचेतना तथा सुझाव संकलन कार्यक्रम सञ्चालन गरेको हो । कार्यक्रममा एक हजार पाँच सयभन्दा बढी यात्रु तथा स्थानीय नागरिक सहभागी भएका थिए ।