सुदूरपश्चिम प्रदेशसभामा रिक्त सिट संख्या ३ पुग्यो

धनगढी । बजेटप्रति असन्तुष्टि जनाउँदै नेकपा एमालेका सांसद वीरबहादुर थापाले राजीनामा दिएसंगै सुदूरपश्चिम प्रदेशसभामा रिक्त सिट संख्या तीन पुगेको छ । ५३ सदस्यीय प्रदेशसभामा यसअघि नै दुई सांसदको स्थान रिक्त रहेकामा थापाको राजीनामासँगै रिक्त सिट थपिएको हो ।

पूर्वमन्त्रीसमेत रहेका थापा कञ्चनपुर निर्वाचन क्षेत्र नम्बर १ को प्रदेशसभा क्षेत्र (१) बाट निर्वाचित भएका थिए। प्रदेश सरकारले ल्याएको बजेटप्रति असन्तुष्टि जनाउँदै उनले सभामुखसमक्ष राजीनामा दिएका थिए।