‘छ माया छपक्कै २’ ले पायो युनिभर्सल सर्टिफिकेट, आजैदेखि टिकट काट्न सकिने

काठमाडौं– बडादशैँको फुलपातीका दिन अर्थात असोज ३१ गते शनिवारदेखि प्रदर्शनमा आउने नयाँ नेपाली फिल्म ‘छ माया छपक्कै २’ ले केन्द्रीय चलचित्र जाँच समितिबाट युनिभर्सल सर्टिफिकेट प्राप्त गरेको छ । यो प्रमाणपत्रसँगै यो फिल्म सबै उमेर समूहका दर्शकले हेर्न पाउने भएका छन् ।

सूचना तथा सञ्चार मन्त्रालयअन्तर्गतको केन्द्रीय चलचित्र जाँच समिति, काठमाडौंले यो फिल्मलाई सार्वजनिक प्रदर्शनका लागि स्वीकृति दिएको हो । समितिले चलचित्र निर्माण, प्रदर्शन तथा वितरण ऐन, २०२६ को दफा ५ बमोजिम फिल्म जाँच गरी प्रमाणपत्र जारी गरेको हो ।