पाकिस्तानमा विद्यालयको छत खस्दा ३५ जनाको मृत्यु

एजेन्सी । पाकिस्तानको खैबर पख्तुनख्वा प्रान्तमा विद्यालयको छत खस्दा ३४ बालबालिका र एक शिक्षकको मृत्यु भएपछि सरकारले प्रान्तभरिका निजी विद्यालयका भवन निरीक्षण गर्न आदेश दिएको छ । मृतकका आफन्तले भवन कमजोर रहेको र दुर्घटनाअघि नै विद्यालय सञ्चालकलाई सचेत गराएको बताएका छन् ।

प्रान्तीय सरकारले बिहीबार अल–खैर विद्यालयको छत खस्नुको कारणबारे अनुसन्धान थालेको छ । प्रहरीले विद्यालय सञ्चालक मोहम्मद खानलाई पक्राउ गरेको छ । पेसावरका प्रहरी प्रमुख सईद अहमदका अनुसार भवन संरचनात्मक रूपमा कमजोर थियो । सञ्चालकले भने हालैको वर्षाका कारण छत कमजोर भएको बताएका थिए ।