अस्ट्रेलियाबाट फर्किएलगत्तै आसाम टुरको तयारीमा प्रमोद खरेल

काठमाडौं । अस्ट्रेलियाको पर्थ सहरमा अक्टोबर १० मा भव्य सांगीतिक साँझ सम्पन्न गरेर मंगलबार काठमाडौं आइपुगेका चर्चित गायक प्रमोद खरेल विश्राम लिने मुडमा देखिँदैनन्। उनी आफ्नो ब्यान्ड ‘प्रमोद एन्ड परम्परा’ सहित आगामी आसाम टुरको तयारीमा जुटेका छन्।

बिहीबार दिउँसो पुतलीसडकस्थित ‘द साउन्ड गार्डेन स्टुडियो’ पुग्दा गायक खरेल आफ्नै ब्यान्डसहित तयारीमा व्यस्त देखिन्थे। स्टुडियोभित्र प्रमोद र उनको ब्यान्डका प्राविधिक कलाकारहरू आ–आफ्ना बाजा तथा ध्वनि प्रणाली मिलाउन व्यस्त थिए।