उजुरी छानबिन गर्न प्रहरी टोली सुनसरी पुग्यो

सुनसरी जिल्ला प्रहरी कार्यालयमा दर्ता भएको एउटा उजुरीमाथि आवश्यक प्रक्रिया शुरु नभएको गुनासो बढेपछि नेपाल प्रहरीले मुख्यालयबाट एउटा टोली छानबिनको लागि आज सुनसरी पुगेको छ ।

कुटपिटको एउटा घटनामा संलग्न सबै अभियुक्तलाई पक्रेर आवश्यक कारबाही नगरेको गुनासो प्रहरी प्रधान कार्यालयमा पटक पटक परेपछि छानबिन थालिएको बताइएको छ ।