स्थानीय तहको नीति तथा कार्यक्रम शुरू

काठमाडौं । स्थानीय तहको आगामी आर्थिक वर्ष २०८०÷०८१ को नीति तथा कार्र्यक्रम सार्वजनिक गर्ने क्रम बुधवारदेखि शुरू भएको छ ।काठमाडौं महानगरपालिका, ललितपुर महानगरपालिका, वीरगञ्ज महानगरपालिका, धुलिखेल नगरपालिका, कीर्तिपुर नगरपालिकालगायत विभिन्न नगरपालिकाले नीति तथा कार्यक्रम सार्वजनिक गरेको हो । अघिपछि नीति तथा कार्यक्रम तोकिएको अन्तिम समयसीमा असार १० गते सार्वजनिक गर्दै आएको यसपटक त्यसको चार दिन अगावैदेखि नै नगरसभा र गाउँसभाको आयोजना गर्न शुरू गरिएको हो ।

स्थानीय तह सरकार सञ्चालन ऐन २०७४ दफा ७१ बमोजिम आगामी आर्थिक वर्ष २०७९÷८० को अनुमानित बजेट असार १० गतेभित्रमा कार्यपालिकाबाट स्वीकृति गराई नगरसभामा पेस गर्नुपर्ने प्रावधान रहेको छ । त्यसै गरी अन्तर–सरकार वित्त व्यवस्थापन ऐन, २०७४ को दफा २१ को उपदफा (३) मा अनुसार गाउँ कार्यपालिका र नगर कार्यपालिकाले स्थानीय तहले प्रत्येक वर्ष असार १० गतेभित्र आगामी आर्थिक वर्ष २०७६÷७७ को राजस्व र व्ययको अनुमान सम्बन्धित गाउँसभा÷नगरसभामा पेस गर्नुपर्ने व्यवस्था छ । त्यसरी पेस गरेको बजेट असार मसान्तसम्ममा नगरसभा र गाउँसभाबाट पारित गर्नुपर्ने छ । १ साउनबाट बजेट कार्यान्वयन शुरू हुन्छ ।