पोखरामा पर्यटकलाई दुःख–हैरानी दिने पाँच जना पक्राउ

पोखरा। पर्यटकलाई जबरजस्ती सवारीसाधनमा चढाउन खोज्ने, होटल मिलाइदिने भन्दै झोला तान्ने तथा करकाप गरी दुःख–हैरानी दिने पाँच जनालाई प्रहरीले नियन्त्रणमा लिएको छ।

जिल्ला प्रहरी कार्यालय कास्की तथा मातहतका प्रहरी टोलीले चाडपर्वलाई लक्षित गरी २०८३ असोज ३० गते पोखरा महानगरपालिकाका पृथ्वीचोक, सभागृहचोक र सृजनाचोक क्षेत्रमा सञ्चालन गरेको विशेष जाँच अभियानका क्रममा उनीहरूलाई नियन्त्रणमा लिएको हो।