सवारी साधनमा हेडलाइट र हर्न थप गर्नेमाथि कारबाही हुने, विभागले निकाल्यो सूचना

काठमाडौं । सरकारले सवारी साधनमा उत्पादक कम्पनीले तोकेको प्राविधिक स्पेसिफिकेसनभन्दा बाहिरका हेडलाइट र हर्न जडान गरी चलाउनेहरूमाथि कडा निगरानी र कारबाही गर्ने भएको छ ।

यातायात व्यवस्था विभागले सूचना जारी गर्दै यस्तो चेतावनी दिएको हो । विभागका अनुसार पछिल्लो समय सवारी साधनको हेडलाइट भएको स्थानको नजिक वा अन्य भागमा कम्पनीले तोकेको भन्दा फरक र अधिक क्षमताका लाइटहरू जडान गर्ने क्रम बढेको छ । यस्ता अनधिकृत लाइटहरूले गर्दा सवारी चलाउन बाधा पुग्ने र पैदल यात्री एवं अन्य सवारी साधनहरू दुर्घटनामा पर्ने जोखिम बढेपछि विभागले कडाइ गर्न लागेको हो ।