इटहरी र धरान उपमहानगरपालिका सहित ६१ स्थानीयतहले अझै ल्याएनन् चालु आवको बजेट

काठमाडौँ । देशभरका ७५३ स्थानीयतहमध्ये ६१ स्थानीयतहले चालु आर्थिक वर्षको बजेट अहिलेसम्म प्रस्तुत गर्न सकेका छैनन्। कानुनी व्यवस्थाअनुसार स्थानीयतहले हरेक वर्ष असार १० भित्र बजेट सार्वजनिक गर्नुपर्ने प्रावधान छ।

सङ्घीय मामिला तथा सामान्य प्रशासन मन्त्रालयका अनुसार हालसम्म ६९२ स्थानीयतहले बजेट प्रस्तुत गरी कार्यान्वयनमा ल्याइसकेका छन्। तर राजनीतिक विवाद र स्थानीय स्तरका समस्या देखाउँदै बाँकी ६१ तहले अझै बजेट सार्वजनिक गरेका छैनन्।