मन्त्री यादवको घोषणा- 'एआई, स्टार्टअप र रिमोट वर्कमार्फत स्वदेशमै रोजगारी सिर्जना गरिने'

काठमाडौं । युवा, श्रम तथा रोजगारमन्त्री रामजी यादवले आगामी १० वर्षलाई ‘आन्तरिक रोजगारी प्रवद्र्धनको दशक’का रूपमा मनाउने घोषणा गरेका छन् ।

स्वीट्जरल्यान्डको जेनेभामा आयोजित ११४ औँ अन्तर्राष्ट्रिय श्रम सङ्गठन (आइएलओ) को सम्मेलनमा आज सम्बोधन गर्दै उनले नारामा मात्र सीमित नभई नेपाली युवाहरूको आकांक्षा पूरा गर्न एक उत्पादनशील र समावेशी श्रम बजार निर्माण गर्ने १० वर्षे कार्य योजना बनाइएको उल्लेख गरे ।