च्याम्पियन्स लिगः गालातासरेसँग युभेन्टस स्तब्ध, ५–२ को फराकिलो हार

काठमाडौं । च्याम्पियन्स लिग अन्र्तगत प्लेअफको पहिलो लेगको खेलमा गालातासरेले युभेन्टसलाई ५–२ को फराकिलो गोल अन्तरले पराजित गर्दै स्तब्ध पारेको छ ।

मंगलबार सम्पन्न खेलमा गालातासरेका लागि गाब्रियल साराले खेलको १५औँ मिनेटमा पहिलो गोल गर्दै टोलीलाई अग्रता दिलाए । नोआ लांगले ४९औँ र ७४औँ मिनेटमा दुई गोल गरे भने डाभिन्सन सान्चेजले ६०औँ मिनेटमा र साचा बोईले ८६औँ मिनेटमा एक–एक गोल थपे ।