विश्व भोकमरी सूचकाङ्क २०२६ मा बङ्गलादेश ८४औँ स्थानमा : प्रतिवेदन

विश्व भोकमरी सूचकांक (जीएचआई) २०२६ मा बंगलादेश १२२ देशमध्ये ८४औँ स्थानमा रहेको छ। बंगलादेशले यस वर्ष १९.२ अंक प्राप्त गरेको छ, जसका आधारमा देशलाई ‘मध्यम’ भोकमरीको श्रेणीमा राखिएको छ।

सन् २०२६ को विश्व भोकमरी सूचकांकसम्बन्धी प्रतिवेदनले बंगलादेशको दीर्घकालीन प्रगतिलाई ‘एक पुस्ताले हासिल गरेको उपलब्धि’ का रूपमा वर्णन गरेको छ । प्रतिवेदनले भोकमरी न्यूनीकरणमा बंगलादेशले हासिल गरेको प्रगतिलाई उल्लेख गर्दै खाद्य सुरक्षाका क्षेत्रमा भएका दीर्घकालीन प्रयासको महत्त्व औँल्याएको छ।