ब्याटलग्राउण्ड मोरङ–२ : सुजातालाई आफ्नैको पिर, मत ट्रान्सफर नहुने डर !

‘ल ल फोटो खिचुम् त आउनु !’ मोरङको क्षेत्र नम्बर २ मा पर्ने सुनवर्षी–६ चैतीटोल पुगेकी प्रतिनिधिसभामा सोही क्षेत्रबाट उम्मेदवार बनेकी काँग्रेस नेतृ सुजाता कोइरालाले गाडीबाट झरेसँगै वरिपरि झुम्मिएका स्थानीय महिलालाई आग्रह गरिन् ।

उनी जहाँ गए पनि महिलाहरूसँग फोटो खिचाउन भने छुटाउँदिनन् । उनकै साथमा थिए माओवादीका तर्फबाट प्रदेशसभामा उम्मेदवार बनेका गणेश उप्रेती (सुशील) । उप्रेतीले पनि कोइरालाको लाइनमै बसेर काँग्रेसी महिलाहरूसँग फोटो खिचाए ।