गुजरातको ब्याकटूब्याक जित, दिल्ली फेरि पराजित

इण्डियन प्रिमियर लिग (आईपीएल) अन्तर्गत आज सम्पन्न खेलमा गुजरात टाइटन्सले दिल्ली क्यापिटल्सलाई हराएको छ। दिल्लीस्थित अरुण जेट्ली स्टेडियममा सम्पन्न खेलमा गुजरातले घरेलु टोलीलाई ६ विकेटले हराएको हो।

टस हारेर ब्याटिङमा उत्रिएको दिल्लीले निर्धारित २० ओभरमा ८ विकेट गुमाएर १ सय ६२ रन बनाएको थियो। जवाफी ब्याटिङमा उत्रिएको गुजरातको ब्याटिङमा साइ सुदर्सन र डेभिड मिलर चम्किँदा १८.१ ओभरमा ४ विकेट गुमाएर लक्ष्य पुरा गर्न सफल भयो।