खाना पकाउने ग्यासको मूल्य घट्यो, अब कति पर्छ ?

काठमाडौँ । नेपाल आयल निगमले खाना पकाउने एल.पि. ग्यासको मूल्य घटनाएको छ। निगम सञ्चालक समितिको मंगलबारको बैठकले अन्तर्राष्ट्रिय बजारमा पेट्रोलियम पदार्थको मूल्य घटेर आएको भन्दै ग्यासको मूल्य प्रतिसिलिन्डर १०० रुपैयाँले घटाउने निर्णय गरेको हो।

नयाँ मूल्य अनुसार अब उपभोक्ताले १४.२ केजीको ग्यास सिलिन्डरका लागि २ हजार ६० रुपैयाँ मात्र तिर्नुपर्नेछ। यसअघि यसको खुद्रा बिक्री मूल्य २ हजार १६० रुपैयाँ रहेको थियो। त्यस्तै, ७.१ केजीको सानो सिलिन्डरको मूल्य पनि १०८० रुपैयाँबाट घटेर १ हजार ३० रुपैयाँ कायम भएको छ।