बुढासुब्बा युथ क्लब सुन्दरहरैँचा- ८ बन्यो अन्डर–१७ च्याम्पियन

सुन्दरहरैँचा (मोरङ) । सुन्दरहरैँचा–८ सलकपुरमा जारी अन्डर–१७ फुटबल प्रतियोगिताको उपाधि बुढासुब्बा युथ क्लब सुन्दरहरैँचा–८ ले जितेको छ। युवा खेलाडीको प्रतिभा उजागर गर्ने उद्देश्यले योङ्ग ब्वाइज एफसी, सुन्दरहरैँचा–८ सलकपुरको आयोजनामा सञ्चालन गरिएको प्रतियोगिताको फाइनलमा उत्कृष्ट प्रदर्शन गर्दै बुढासुब्बा युथ क्लब सुन्दरहरैँचा–८ ले उपाधि आफ्नो पक्षमा पार्न सफल भएको हो।

सव डिभिजन वन कार्यालय सलकपुरको पछाडिको खेलमैदानमा भएको फाइनल खेलमा सुन्दरहरैचाको बुढासुब्बा युथ क्लबले उपाधि उचालेसँगै प्रतियोगिताको विजेता बनेको छ। प्रतियोगितामा युवा खेलाडीबीच देखिएको प्रतिस्पर्धा, जोश र उत्साहले खेलमैदानमा रोमाञ्चक वातावरण सिर्जना गरेको थियो।