सकियो ‘कुमारी’ को छायाङ्कन

काठमाडौँ । दिनेश राउत निर्देशित प्रेम कथानक चलचित्र ‘कुमारी’ को छायाङ्कन सकिएको छ। गत भाद्र १७ गतेदेखि सुरु भएको चलचित्रको छायाङ्कन शनिवार औपचारिक रूपमा पूरा भएको हो। चलचित्रको रिलिज मिति तय हुन बाँकी रहेको छ। चलचित्रमा अभिषेक खड्का, आकृति राजभन्डारी, घनश्याम जोशी, सुनिता श्रेष्ठ, आकाङ्क्षा कार्की, मधु खड्का, सनम श्रेष्ठ, सकु शाह, सरोज लामिछाने, मनीषा शर्मा र भूपी लुहारलगायको चलचित्रमा मुख्य भुमिका छ ।

चलचित्रको छायाङ्कन सुसन प्रजापतिले गरेका हुन्। बिनिश इन्टरटेन्मेन्टले पिक्चरले निर्माण गरेको फिल्मका निर्माता महेन्द्र अधिकारी हुन्। चलचित्रको स्क्रिप्ट विकास सुवेदीले लेखेका हुन्।