आफ्नो भित्रैबाट आएको क्रोधलाई कसरी नियन्त्रण गर्ने ?

आज यो संसार क्रोधलाई आफ्नो काबुमा राख्न चाहन्छ । क्रोधलाई हामी कसरी नियन्त्रण गर्न सक्छौँ ? रिस उठेपछि मानिसहरूको मुखबाट आफूले कहिल्यै भन्नै नचाहेको कुरा फुत्किन्छ । त्यसपछि यस्तो काम गर्न पुग्छन्, जुन उनीहरू कहिल्यै गर्न चाहेकै हुँदैनन् । यसको अर्थ मानिसलाई रिस उठेपछि आफूले आफूलाई नै बिर्सिन्छ । त्यो त एउटा त्यस्तो समय हुन्छ, जतिखेर मानिसले आफ्नो सन्तुलनलाई गुमाएको हुन्छ । यस्तो परिस्थितिमा केही बोल्नुभन्दा पहिला एक क्षण सोच्नु नै उत्तम हुन्छ ।

क्रोधलाई बुझ्ने हो भने क्रोधले कहिल्यै ‘आउँदै छु’ भनेर आउने पनि होइन । यदि आयो भने त आइहाल्यो ! जब ‘म क्रोधित भएको छु’ भन्ने थाहा हुन्छ तबसम्म त रिसले आफ्नो काम गरिसकेको हुन्छ । अब त्यसलाई कसरी नियन्त्रण गर्न सकिन्छ ?त्यसको एउटा तरिका छ ! तपाईँ आफ्नो घरमा चोर भित्र नआओस् भनेर के गर्नुहुन्छ ? त्यसका लागि व्यवस्था मिलाउनुहुन्छ । आफ्नो घरको झ्याल–ढोका बन्द गर्नुहुन्छ, झ्यालमा जाली लगाउनुहुन्छ, ढोकामा छेस्किनी लगाउनुहुन्छ या बाहिर पर्खाल लगाउनुहुन्छ ! यी सबै व्यवस्थापन हाम्रो घरलाई सुरक्षित राख्नका लागि गरेका हुन्छौँ । यदि तपाईँले आफ्नो जीवनमा दयाको पर्खाल लगाउनुभएन भने क्रोध त आफसे आफ आउनेछ ! अझ आनन्दरूपी जाली लगाउनुभएन भने त क्रोध आपैmँ आउँछ !