एमसीसीमा देखिएको आलोकाँचो राजनीति

स्वयं प्रधानमन्त्रीले परियोजना कार्यान्वयनको अघिल्लो दिन संसद्मै दिएको अभिव्यक्तिले नेपालको राजनीति निकै हदसम्म आलोकाँचो छ भन्ने सन्देश दियो ।

अमेरिकी सहयोग परियोजना एमसीसीको कार्यान्वयन सुरु भएको छ । पाँच वर्षभित्र पूरा गर्नुपर्ने परियोजनाको दिनगन्ती सुरु हुने गरी दुई देशका पदाधिकारीले बुधबार हस्ताक्षर गरे । तर यसबारे नेपाली राजनीतिमा देखिएको बखेडा चाहिँ निम्न कोटीको छ । केवल आफ्नो राजनीतिक रोटी सेक्ने उद्देश्यका साथ गरिएको राजनीतिले वास्तवमा देशको अन्तर्राष्ट्रिय छवि पनि धुमिल पारेको छ । अनुदान सहयोग पनि लिने र त्यसमा अनेक नौटंकी र बखेडा गरिरहने यहाँका नेताको कर्मले नेपालको अन्तर्राष्ट्रिय छवि अविश्वसनीय देखिएको छ । स्वयं प्रधानमन्त्रीले परियोजना कार्यान्वयनको अघिल्लो दिन संसद्मै दिएको अभिव्यक्तिले नेपालको राजनीति निकै हदसम्म आलोकाँचो छ भन्ने सन्देश दियो ।