युवाहरू दौडाउँदै मीरा 

काठमाडौँ — भक्तपुर बस्ने ताप्लेजुङका सनाम शेर्पा ३५ किलोमिटरको दौडमा भाग लिन शनिबार बिहान ठीक ६ बजे मुड्खु पुगे । दौड ठीक ७ बजे सुरु हुने भएकाले एक घण्टाअगावै आइपुग्न आयोजकले अघिल्लो दिनै सूचित गरिसकेको थियो ।

सनाम मुड्खु पुग्दा दुई सयजति प्रतियोगी धावक सहभागी भइसकेका थिए । दौडिन तम्तयार उनीहरूलाई काठमाडौंको ठिहिर्‍याउने चिसोको पर्वाह थिएन । स्वयंसेवकले टिसर्ट र ‘नेम ट्याग’ बाँडे । प्रतियोगीहरूले टिसर्ट र हाफ पाइन्ट लगाए । कसैले जुत्ताको तुना कस्न थाले । सानो झोलामा पानीका बोतल र चकलेट राखे ।