रेस्टुरेन्टको आवरणमा ठगी धन्दा : सुरुचीविरुद्ध पूर्व सेना–प्रहरीले दिए उजुरी

काठमाडौं । काठमाडौंको चुच्चेपाटीमा थियो ‘जमघट’ रेस्टुरेन्ट । आजभोलि सो रेस्टुरेन्ट बन्द छ । रेस्टुरेन्टको सञ्चालक सटर लगाएर भागेका छन् भने सञ्चालिकालाई प्रहरीको केन्द्रीय अनुसन्धान ब्युरो (सीआईबी)ले पक्राउ गरेको छ ।

रेस्टुरेन्ट सञ्चालिका कास्कीको पोखरा महानगरपालिका–५, लेखनाथ घर भएकी ३२ वर्षीया सुरुची भुजेल ठगी आरोपमा पक्राउ परेकी हुन् । उनका पति विनोद श्रेष्ठ फरार छन् ।