बडादशैँमा फूलपातीको धार्मिक महत्वः किन गरिन्छ नौ प्रकारका वनस्पतिको पूजा?

काठमाडौँ। बडादशैँको सातौँ दिन आज फूलपाती मनाइन्छ। यस वर्षको फूलपातीका दिन श्री तुलजाभवानी यात्राको शुभसाइत बिहान ७ बजेर ३७ मिनेटमा रहेको छ। साथै स्थिरासनको शुभसाइत बिहान १० बजेर ३९ मिनेटमा रहेको छ।

हिन्दू धर्मावलम्बीहरूका लागि फूलपातीको विशेष धार्मिक र सांस्कृतिक महत्व रहेको छ। घटस्थापनादेखि दशैँ शुरू भए पनि फूलपाती भित्र्याएपछि घरघरमा दशैँको चहलपहल र रौनक थप बढ्ने गर्छ।