युद्ध अन्त्य ‘निकै टाढा’ भनी जेलेन्स्कीले दिएको अभिव्यक्तिमाथि खनिए ट्रम्प

काठमाडौं । अमेरिकी राष्ट्रपति डोनाल्ड ट्रम्पले युक्रेनी राष्ट्रपति भोलोदिमिर जेलेन्स्कीले रुससँगको युद्ध अन्त्य ‘निकै टाढा’छ भनी दिएको अभिव्यक्तिको कडा आलोचना गरेका छन् ।

सामाजिक सञ्जालमार्फत ट्रम्पले सोधेका छन्, ‘उनी (जेलेन्स्की) के सोचिरहेका छन् ?’ आइतबार मात्रै लण्डनमा भएको एक शिखर सम्मेलनपछि युक्रेनी राष्ट्रपति जेलेन्स्कीले रुससँगको युद्ध अन्त्य ‘निकै टाढा’ रहेको भनी अभिव्यक्ति दिएका थिए । तर, शिखर सम्मेलनलगत्तै युरोपेली नेताहरुले अमेरिकाको सहयोगविना युक्रेनमा शान्ति स्थापनाको ग्यारेन्टी दिन नसक्ने बताएका थिए ।