मनसुनजन्य विपद्‍बाट बेनीमा करोडौँको क्षति

म्याग्दी । यस वर्षको मनसुनजन्य विपद्बाट बेनी नगरपालिकामा २४२ निजी आवासमा क्षति भएको छ ।

बाढीपहिरोबाट ९१ घरमा पूर्ण र १५१ घरमा आंशिक क्षति भएको नगरपालिकाले जनाएको छ । दुई सय ४२ वटा घर पुनर्निर्माण गर्नुपर्ने भएको छ । सबैभन्दा बढी क्षति भकिम्लीको चिनाखेत र छेपारेमा भएको छ । त्यहाँ दुई जनाको पहिरोले पुरिएर मृत्यु भएको छ । साथै, ३३ वटा गोठमा क्षति भएको छ ।