भारतमा बंगलादेशजस्तै ‘शासन परिवर्तन’को षड्यन्त्र भइरहेको भाजपाको आरोप

काठमाडौं । भारतका रक्षामन्त्री तथा भारतीय जनता पार्टी (भाजपा)का वरिष्ठ नेता राजनाथ सिंहले कांग्रेस र उसका सहयोगी दलहरूले निर्वाचन आयोगविरुद्ध भइरहेको आन्दोलनलाई प्रयोग गरेर देशमा राजनीतिक अस्थिरता र अराजकता फैलाउन खोजेको आरोप लगाएका छन् ।

शुक्रबार आयोजित पत्रकार सम्मेलनमा सिंहले विपक्षी दलहरूले बंगलादेशको शैलीमा भारतमा ‘शासन परिवर्तन’ गर्न खोजिरहेको दाबी गरे । “शासन परिवर्तनजस्ता शब्दको प्रयोगले नै उनीहरूको लडाइँ निर्वाचन सुधार, विशेष गहन पुनरावलोकन (एसआईआर), मुख्य निर्वाचन आयुक्त ज्ञानेश कुमार वा युवाहरूको उज्ज्वल भविष्यका लागि नभएको स्पष्ट हुन्छ,” सिंहले भने, “बरु देशमा अराजकता सिर्जना गरेर सत्ता कब्जा गर्ने षड्यन्त्र भइरहेको छ ।”