महँगो शिक्षाविरुद्ध अल्बानियामा विद्यार्थी सडकमा, सरकारी भवन र बैंकमा आगजनी

अल्बानियाको राजधानी तिरानामा महँगो शिक्षा र कमजोर शैक्षिक सुविधाको विरोधमा विद्यार्थी सडकमा उत्रिएका छन्। विद्यार्थीहरूले प्रधानमन्त्री एदी रामाको राजीनामा माग गरिरहेका छन्। यस क्रममा प्रदर्शनकारीहरूले प्रधानमन्त्रीको कार्यालय, सरकारी भवन तथा विभिन्न बैंकका शाखामा आगजनी गरेका छन्।

प्रदर्शनकारीलाई तितरबितर पार्न प्रहरीले अश्रुग्यास र पानीको प्रयोग गरेको थियो। त्यसक्रममा दर्जनौँ प्रहरी तथा प्रदर्शनकारी घाइते भएका छन्।