नेपाल लाइभस्टक सेक्टर इनोभेसन आयोजनाको वित्तीय प्रगति ८२.७ प्रतिशत, भौतिक प्रगति ९४.७ प्रतिशत

काठमाडौँ । नेपाल लाइभस्टक सेक्टर इनोभेसन आयोजनाले ८२.७६ प्रतिशत वित्तीय प्रगति हुँदा ९४.७ प्रतिशतले भौतिक प्रगाति गरेको छ । सात वर्षे सो आयोजनाको लक्ष्य दुध, खासी–बोकाको मासु र पस्मिना उत्पादन वृद्धि गर्ने, उत्पादनहरुको मूल्य अभिवृद्धि गर्ने र पशु सेवा क्षेत्रको सुदृढीकरण र आधुनिकीकरण गर्ने लगायत छन् ।

आयोजनाका सूचना अधिकारी डा. प्रवेश शर्माका अनुसार आयोजनाले आफ्ना लक्ष्यमध्ये कुनै प्राप्ति गरिसकेको छ भने कुनै लक्ष्य प्राप्ति नजिक छ । सो आयोजनामार्फत गाई भैंसीको दुध उत्पादकत्वमा ४० प्रतिशत वृद्धि, खसीबोकाको मासुको उत्पादत्व २० प्रतिशत वृद्धि, दुध र मासुको बिक्री ३० प्रतिशतले वृद्धिको लक्ष्य रहेकोमा ती लक्ष्य प्राप्त भइसकेको छ ।