मस्तिष्कको शल्यक्रियापछि काममा फर्किएकी दीपाश्री भन्छिन्– ‘छ माया छपक्कै २’ दर्शकलाई मन पर्ने फिल्म बनेको छ’

काठमाडौं– अभिनेत्री तथा निर्मात्री दीपाश्री निरौला पछिल्लो समय आफ्नो स्वास्थ्यसँगै बडादशैँको फुलपातीदेखि प्रदर्शनमा आएको आफ्नो नयाँ फिल्म ‘छ माया छपक्कै २’ को प्रचार–प्रसारमा पनि सक्रिय छिन् । केही महिनाअघि मस्तिष्कको शल्यक्रिया गराएकी दीपाश्रीले २७ पटकको रेडिएसन थेरापीसमेत पूरा गरिसकेकी छिन् । चिकित्सकको सल्लाहअनुसार आराम गर्दै स्वास्थ्यमा सुधार आएपछि उनी पुनः काममा फर्किएकी हुन् । आज असोज ३१ गते शनिवारदेखि प्रदर्शनमा आएको ‘छ माया छपक्कै २’ मा दीपाश्री कलाकारका साथै निर्मात्रीका रूपमा पनि जोडिएकी छिन् । यो फिल्ममा उनले यसअघि दर्शकले देख्दै आएको भूमिकाभन्दा फरक चरित्र निर्वाह गरेकी छिन् । विवाहपछिको जीवन, पारिवारिक सम्बन्ध, सामाजिक उतारचढाव र राजनीतिक परिवेशलाई मनोरञ्जनात्मक ढङ्गले प्रस्तुत गर्ने प्रयास गरिएको यो फिल्मलाई उनी वास्तविक सिक्वेलका रूपमा लिन्छिन् । फिल्म प्रदर्शनको पूर्व सन्ध्यामा कलाकर्मीसँगको कुराकानीमा दीपाश्रीले आफ्नो स्वास्थ्य अवस्था, उपचारपछिको काममा पुनरागमन, परिवार तथा चलचित्रकर्मीबाट पाएको साथ र ‘छ माया छपक्कै २’ प्रति आफ्नो अपेक्षाबारे खुलेर कुरा गरेकी छन् । प्रस्तुत छ, कलाकर्मी का लागि कृष्ण भट्टराई ले दीपाश्री निरौलासँग गरेको कुराकानीको सम्पादित अंश ।

‘काम गर्दा दुखाइ पनि महसुस हुँदैन’