लुम्बिनी कप महिला फुटबल: आर्मीको शानदार विजयी सुरुवात

त्रिभुवन आर्मी क्लबले नेपालगन्जमा जारी लुम्बिनी कप अन्तर्राष्ट्रिय आमन्त्रण महिला फुटबल प्रतियोगितामा सुदूरपश्चिमलाई ४–० ले हराउँदै विजयी सुरुवात गरेको छ। यो जितसँगै आर्मी सेमिफाइनलमा प्रवेश गरेको छ।

नेपालगन्ज रङ्गशालामा शुक्रबार भएको उद्घाटन खेलमा आर्मीकी अनिता लम्जेलले ५औँ र ५३औँ मिनेटमा दुई गोल गरिन्। हिमा चौधरीले ५६औँ मिनेटमा र तुलसा बोहोराले ७८औँ मिनेटमा एक–एक गोल थपे। अनिता लम्जेल म्यान अफ दि म्याच घोषित भइन्। सुदूरपश्चिमकी सिता रोकाय र शृजना बरालले पहेँलो कार्ड पाए।