लघुजलविद्युत्को भरमा लमजुङका बस्ती, राष्ट्रिय प्रसारण लाइनको प्रतीक्षा

लमजुङ- लमजुङका केही बस्तीका सर्वसाधारण अझै लघुजलविद्युत्को भरमा छन् । राष्ट्रिय प्रसारण लाइन विस्तार हुन नसक्दा क्व्होलासोथार गाउँपालिकाका पसगाउँ, सिङ्दीलगायतका बस्ती तथा राइनास नगरपालिकाको एउटा गाउँका बासिन्दा लघुजलविद्युत्मा निर्भर हुन बाध्य भएका हुन् ।

लघुजलविद्युत् आयोजनामा विद्युत् उत्पादन घट्दा ती बस्तीमा नियमित आपूर्ति प्रभावित हुने गरेको छ । नेपाल विद्युत् प्राधिकरण वितरण केन्द्रका प्रमुख सोवितबहादुर क्षेत्रीका अनुसार राइनास नगरपालिकाको एउटा गाउँका करिब २० घर तथा क्व्होलासोथार गाउँपालिकाका विभिन्न बस्तीमा राष्ट्रिय प्रसारण लाइन विस्तार हुन बाँकी छ ।