लिभरपुलले भन्यो, ‘खेलको निष्ठा कमजोर भयो’

लण्डन । लिभरपुलले शनिबार प्रिमियर लिगमा टोटनह्यामसँग २-१ को हारमा भिडियो असिस्टेन्ट रेफ्री (भीएआर) त्रुटिले ‘खेलको निष्ठा कमजोर भएको’ बताएको छ। आइतबार एक विज्ञप्तिमा क्लबले खोज र समाधानको स्पष्ट आवश्यकतालाई ध्यानमा राख्दै उपलब्ध विकल्पहरूको दायरा खोजी गर्ने बताएको हो ।

भीएआरले खेल गोलरहित बराबरी रहेको अवस्थामा लुइस डियाजको गोल अफसाइड भन्दै अस्वीकार गर्ने गलत निर्णयलाई उल्टाउन असफल भएको थियो । भीएआर अधिकारीहरूलाई सप्ताहान्तको बाँकी समयको लागि जिम्मेवारीबाट हटाइएको छ।