कर्णालीमा औद्योगिकीकरणको खोजी

सुर्खेत । औद्योगिकीकरणको प्रचुर सम्भवाना रहे पनि कर्णालीमा अहिलेसम्म ठुला तथा मझौला उद्योगधन्दाको विकास हुन सकिरहेको छैन । औद्योगिकीकरणतर्फ देशको कुल जीडीपीमा कर्णालीको जम्मा ४ प्रतिशत उपस्थिति देखिन्छ । कर्णालीको सम्भावनालाई अवसरमा बदल्न नसक्दा उद्योग विकासमा कर्णाली पछाडि परेको हो ।

प्रदेश सरकार स्थापना भएदेखि नै निजी क्षेत्रलाई लगानी गर्न आह्वान गर्नुबाहेक औद्योगिकीकरणका लागि अन्य कुनै पहल भएको देखिन्न । यद्यपि वर्तमान सरकारले भने औद्योगिकीकरणका लागि अध्ययन, अनुसन्धानको कार्यलाई अघि सारेको छ । आइतबार नयाँ आर्थिक वर्षको पहिलो दिनमै ‘छिन्चु– महेलकुना हरित औद्योगिक करिडोर’ को सम्भाव्यता अध्ययनबारे बहृत छलफल चलाएको छ ।