स्वास्थ्यमन्त्रीको अस्वस्थ हस्तक्षेप

वीरमात्रै होइन, देशका विभिन्न ठाउँमा अस्पताल र चिकित्सा विज्ञान पढाइ हुने संस्थामा मन्त्रीको बिन्दुबिन्दुमा हस्तक्षेप छ।

देशकै सबैभन्दा पुरानो अस्पताल वीर सर्वसाधारण नेपालीले असाध्य रोगव्याधिमा उपचारका लागि जाने गन्तव्य हो। निजी अस्पतालहरूको दबदबाबीच विपन्न नेपालीको एउटै सहारा यो अस्पतालको एउटा विशेषता के भने यहाँ बिरामीलाई खाजा र खाना सित्तैमा उपलब्ध गराइन्थ्यो।