इन्द्रको खटजात्रा इन्द्र दह पुर्‍याइयो

भक्तपुर । भक्तपुर नगरपालिका खौमास्थित इन्द्रायणी द्यो छेँ अर्थात् देवगृहबाट बाजागाजासहित इन्द्रायणी देवताको मूर्तिलाई खटमा विराजमान गराई शनिबार साँझबाट भक्तपुरमा भव्य रूपमा जात्रा मनाइएको छ ।

इन्द्रजात्राका दिन शनिबार साँझ स्थानीयले इन्द्रायणी देवताको मूर्तिलाई खटमा राखेर खटजात्रा गरी वाचा मुकेगु’ भनी आधा देश परिक्रमा गराई बाजागाजासहित धुमधामसँग इन्द्रदह अर्थात् सिद्धपोखरीमा पुर्याएर जात्रा मनाएका छन् । सिद्धपोखरीमा इन्द्रायणी देवतालाई पुर्‍याएपछि शनिबार रातभरि र आइतबार दिनभर यहाँ भव्य मेला लाग्ने गर्दछ । शनिबार भक्तपुरको साँझ भक्तपुरका विभिन्न क्षेत्रमा देवतालाई घुमाएर सिद्धपोखरी पुर्‍याएपछि हजारौँको भीडले रातभर जात्रा गरी आइतबार पूर्णिमाको दिनभर मेला लाग्छ ।