पत्रकार श्रेष्ठ र पन्तबीच साइबर ब्युरोमा छलफल जारी

काठमाडौं– पत्रकार किशोर श्रेष्ठलाई छलफलका लागि भन्दै प्रहरीले ललितपुरको नख्खुस्थित निवासबाट साइबर ब्युरोको कार्यालय पुर्‍याएको छ। राष्ट्रिय स्वतन्त्र पार्टी (रास्वपा) का केन्द्रीय सदस्य हिमेश पन्त र श्रेष्ठबीच समाचारको विषयलाई लिएर उत्पन्न विवादबारे ब्युरोमा छलफल भइरहेको छ।

आज बिहान काठमाडौं उपत्यका अपराध अनुसन्धान कार्यालयको प्रहरी टोली श्रेष्ठको घर पुगेको थियो। प्रहरी उच्च स्रोतका अनुसार कार्यालयका एसएसपी सन्तोष खड्काको नेतृत्वमा टोली नख्खुस्थित श्रेष्ठको निवासमा पुगेको हो।