प्रधानमन्त्रीले नेपाललाई सीमा मिच्ने देश प्रमाणित गर्न खोज्दै हुनुहुन्छ : कांग्रेस [भिडियो]

काठमाडौँ। नेपाली कांग्रेसका सांसद निश्कल राईले प्रधानमन्त्री वालेन्द्र साहले सीमासम्बन्धी आफ्नो विवादित अभिव्यक्ति सच्याउनुको सट्टा नेपालले भारतको भूमि अतिक्रमण गरेको पुष्टि गर्न खोजेको आरोप लगाएका छन्।

प्रतिनिधिसभाको मंगलबारको बैठकमा बोल्दै सांसद राईले नेपाल विश्व समुदायको नजरमा सीमा अतिक्रमण गर्ने देश नभएको र त्यस्तो बन्न नसक्ने बताए। उनले प्रधानमन्त्रीको अभिव्यक्तिले मुलुकको राष्ट्रिय स्वाभिमानमाथि प्रश्न उठाएको दाबी गरे।