विद्यालय प्राङ्गणमा रोपियो एक हजार कफीका बिरुवा

फेदीखोला गाउँपालिका –३ भाटखोलामा रहेको जनप्रीय माध्यमिक विद्यालयको प्राङ्गणमा एक हजार कफीका बिरुवा रोपण गरिएको छ ।

विद्यार्थीलाई उद्यममा जोड्ने तथा बाँझो जग्गालाई सदुपयोग गरेर कृषकलाई प्रोत्साहन गर्ने उद्देश्यले कफीको बिरुवा रोपण गरिएको हो । यस्तै, विद्यार्थीहरूमा कृषि उद्यमशीलता, वातावरण संरक्षण तथा उत्पादनमुखी शिक्षाको अवधारणालाई व्यवहारमा उतार्ने उद्देश्यले उक्त कार्यक्रम सञ्चालन गरिएको हो ।