१४ ओभरको खेलमा पञ्जाबले मार्‍यो वाजी, ५ विकेटले हार्‍यो बैंग्लुरु

काठमाडौं । इन्डियन प्रिमियल लिग (आईपीएल)को ३४औं खेलमा पन्जाब किंग्स विजयी भएको छ । एम चिन्नास्वामी रंगशालामा वर्षाका कारण साढे दुई घण्टा ढिलो सुरु भएको खेलमा पञ्जाबले रोयल च्यालेन्जर्स बैंग्लुरुलाई ५ विकेटले हरायो ।

वर्षाका कारण १४ ओभरमा छोट्याइएको खेलमा रोयल च्यालेन्जर्स बैंग्लुरुले ९ विकेट गुमाएर ९५ रन बनायो । पञ्जाबले टस जितेर फिल्डिङ रोजेपछि बैंग्लुरुले पहिले व्याटिङ गरेको हो । बैंग्लुरुले दिएको ९६ रनको चुनौति पञ्जाबले ११ बल बाँकी छँदै अर्थात् १२ ओभर १ बलमा पार गर्‍यो ।