काठमाडौँमा हरेक दिन २५ वटा मोटरसाइकल र स्कुटर दुर्घटना

काठमाडौँ । काठमाडौँ उपत्यकामा सबैभन्दा धेरै दुर्घटना हुने सवारी साधनमा पर्छ, मोटरसाइकल र स्कुटर । काठमाडौँ, भक्तपुर र ललितपुरमा २०८० साउन पछि झन्डै ४ हजार दुईपाङ्ग्रे सवारीसाधन दुर्घटना भएको छ । पाँच महिनाको तथ्याङ्कले उपत्यकामा हरेक दिन औसतमा २५ वटा मोटरसाइकल र स्कुटर दुर्घटना हुने गरेको देखाउँछ ।

उपत्यका ट्राफिक प्रहरी कार्यालयको तथ्याङ्क अनुसार साउनयता ३ हजार ८ सय ३४ मोटरसाइकल र स्कुटर दुर्घटनामा परेका छन् । उपत्यकामा सबैभन्दा धेरै दुईपाङ्ग्रे सवारी दुर्घटना हुने गरेको उपत्यका ट्राफिक प्रहरी कार्यालयका प्रहरी वरिष्ठ उपरीक्षक (एसएसपी) राजेन्द्र भट्टले रातोपाटीलाई बताए ।