सहकारीको रकम फिर्ता गर्ने जिम्मेवारी मेरो हो, अरूलाई नजोडियोस् : जीबी राई

काठमाडौं । गोरखा मिडिया नेटवर्कका तत्कालीन अध्यक्ष जीबी राईले ग्यालेक्सी टेलिभिजनमा सहकारीबाट लगानी भएको सम्पूर्ण रकमको जिम्मेवारी आफूले लिने बताएका छन्। आर्थिक स्रोत व्यवस्थापन गर्ने जिम्मेवारी कम्पनीको अध्यक्षका रूपमा आफ्नो भएको उल्लेख गर्दै उनले यसमा अन्य सञ्चालकको संलग्नता नरहेको दाबी गरेका छन्।

आफ्नो वक्तव्यमा राईले गोरखा मिडिया नेटवर्क आफ्नो भएको र सम्बन्धित सहकारीसँगको जिम्मेवारी पनि आफ्नै भएको बताएका छन्। ‘गोर्खा मिडिया नेटवर्क मेरो हो, म सम्बन्धित सहकारीसँगको जिम्मेवारी पनि मेरो हो, अरू कसैको होइन, समाधानको जिम्मेवारी पनि मेरो हो,’ उनले भनेका छन्।