विधेयक पेस गर्न मन्त्रीलाई अवरोध

काठमाडौँ, चैत ५ गते । सङ्घीय मामिला तथा सामान्य प्रशासन मन्त्रालयको जिम्मेवारी सम्हाल्नुभएका पूर्वमन्त्रीहरूले ट्रेड युनियनका कारण सङ्घीय निजामती सेवा विधेयक संसद्मा पेस गर्न अप्ठ्यारो परेको बताउनुभएको छ । उहाँहरूले निजामती सेवा क्षेत्रको सुधारका लागि विधेयक तर्जुमा गर्दा ट्रेड युनियनको स्वार्थ बाझिएकाले विधेयक मन्त्रिपरिषद्मै पनि प्रस्तुत गर्न नपाएको अनुभव सुनाउनुभयो ।

तत्कालीन सङ्घीय मामिला तथा सामान्य प्रशासनमन्त्री लालबाबु पण्डित र हृदयेश त्रिपाठीले कर्मचारीतन्त्रमा ट्रेड युनियनको दबदबा व्यवस्थित गर्न विधेयकमा विशेष व्यवस्था गरेकाले नै अघि बढाउन नसकेको बताउनुभयो ।