हाइटीमा हिंसाका घटनाहरू बढ्दै, संयुक्त राष्ट्रको चिन्ता

संयुक्त राष्ट्रका मानवतावादीहरूले शुक्रबार हाइटीमा हिंसाका घटनाहरू अत्यन्त चिन्ताजनक अवस्थामा पुगेको बारेमा चेतावनी दिएका छन् ।

यस वर्षको पहिलो सात महिनामा, छ हजार २०० भन्दा बढी लैङ्गिक हिंसाका घटनाहरू सेवा प्रदायकहरूले रिपोर्ट गरेका छन्, जसमा महिलाहरू सबैभन्दा बढी प्रभावित भएको पाइएको संयुक्त राष्ट्रको मानवीय मामिलाको समन्वय कार्यालय (ओसीएचए) ले जानकारी दिएको छ ।