साइबर ब्युरोबाट रिहा भएपछि किशोर श्रेष्ठले भने- प्रेस स्वतन्त्रता जिन्दावाद !

काठमाडौं- साइबर ब्युरोबाट छुटेका जनआस्था साप्ताहिकका प्रधानसम्पादक किशोर श्रेष्ठले आज फेरि प्रेस जगतको एकता प्रदर्शन भएको प्रतिक्रिया दिएका छन् ।

सामाजिक सञ्जालमा पोस्ट गर्दै पत्रकार श्रेष्ठले यसअघिको आफ्नो गिरफ्तारीमा सर्वोच्च अदालतले समाचार सम्प्रेषण गरेबापत कुनै पनि पत्रकारलाई पक्रन र सञ्चार उपकरण जफत गर्न नपाइने परमादेश गरेको र आज फेरि त्यही मान्यता स्थापित भएको जनाएका छन् ।