लागूऔषध सहित देशका विभिन्न स्थानबाट १५ जना समातिए

अवैध लागूऔषध सहित प्रहरीले विभिन्न स्थानबाट १५ जनालाई नियन्त्रणमा लिएको छ।

सुनसरी, धरान उपमहानगरपालिका-१७ डाँडा घोपा बस्ने ३१ वर्षीय अनिल भन्ने करण खड्कालाई नियन्त्रित लागूऔषध ट्रामाडोल ६ सय ५० ट्याब्लेट सहित सोमबार बेलुकी प्रहरीले पक्राउ गरेको छ।

कोशी प्रदेश प्रहरी कार्यालय विराटनगर समेतबाट खटिएको प्रहरीले उनको घर तलासी गर्दा उक्त लागूऔषध फेला पारी पक्राउ गरेको हो।

मोरङ, रतुवामाई नगरपालिका-८ सुबेदी चोक बस्ने ३५ वर्षीय कर्ण बहादुर थापालाई अवैध लागूऔषध खैरो हेरोइन जस्तो देखिने पदार्थ ३ ग्राम ८ सय ३० मिलिग्राम सहित सोमबार राति प्रहरीले पक्राउ गरेको छ।

इलाका प्रहरी कार्यालय सिजुवाबाट खटिएको प्रहरीले उनको घर तलासी गर्दा उक्त पदार्थ फेला पारी पक्राउ गरेको हो।

झापा, दमक नगरपालिका-६ बाट अवैध लागूऔषध खैरो हेरोइन जस्तो देखिने पदार्थ ४ ग्राम ५ सय १० मिलिग्राम सहित पाँचथर फाल्गुनन्द गाउँपालिका-७ बस्ने २५ वर्षीय सुजन नेम्वाङलाई सोमबार बिहान प्रहरीले पक्राउ गरेको छ। इलाका प्रहरी कार्यालय दमकबाट खटिएको प्रहरीले उनलाई उक्त पदार्थ सहित पक्राउ गरेको हो।

रूकुम पूर्व, सिस्ने गाउँपालिका-६ बाट अवैध लागूऔषध ब्राउनसुगर जस्तो देखिने पदार्थ ७ ग्राम १ सय मिलिग्राम सहित ३ जनालाई सोमबार दिउँसो प्रहरीले पक्राउ गरेको छ।

पक्राउ पर्नेहरूमा सोही गाउँपालिका-६ बस्ने २१ वर्षीय प्रशान्त गुरूङ, २१ वर्षीय कौशल चौलागाई र सोही गाउँपालिका-४ बस्ने ३६ वर्षीय गणेश घर्ती रहेका छन्। जिल्ला प्रहरी कार्यालय रूकुम पूर्वबाट खटिएको प्रहरीले उनीहरूलाई उक्त पदार्थ सहित पक्राउ गरेको हो।

बाँके, बैजनाथ गाउँपालिका-२ मकैबारी बस्ने सन्तोष थापा मगरलाई अवैध लागूऔषध ब्राउनसुगर जस्तो देखिने पदार्थ ८ सय मिलिग्राम र नगद ६७ हजार ९ सय ५५ रूपैयाँ सहित सोमबार दिउँसो प्रहरीले पक्राउ गरेको छ। लागूऔषध नियन्त्रण ब्यूरो शाखा कार्यालय नेपालगंज समेतबाट खटिएको प्रहरीले उनको घर तलासी गर्दा उक्त पदार्थ फेला पारी पक्राउ गरेको हो।

ललितपुर, ललितपुर महानगरपालिका-१७ ग्वार्कोबाट नियन्त्रित लागूऔषध डाईजेपाम ७ एम्पुल, फेनारगन २ एम्पुल र बुप्रेनोर्फिन ५ एम्पुल सहित २ जनालाई सोमबार राति प्रहरीले पक्राउ गरेको छ।

पक्राउ पर्नेहरूमा ललितपुर भैंसेपाटी बस्ने रौतहट घर भएका ३४ वर्षीय आकाश मगर र ललितपुर सुन्धारा बस्ने अर्घाखाँची घर भएका २९ वर्षीय रवि मगर रहेका छन्। प्रहरी वृत्त सातदोबाटोबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो।

बर्दिया, बढैयाताल गाउँपालिका-२ फुटाहबाट अवैध लागूऔषध ब्राउनसुगर जस्तो देखिने पदार्थ ३ ग्राम १ सय ३० मिलिग्राम सहित सुर्खेत वीरेन्द्रनगर नगरपालिका-११ पिपिरा बस्ने २५ वर्षीय जनक बहादुर रामजाली मगरलाई सोमबार राति प्रहरीले पक्राउ गरेको छ।

इलाका प्रहरी कार्यालय मैनापोखरबाट खटिएको प्रहरीले उनलाई उक्त पदार्थ सहित पक्राउ गरेको हो।

पर्सा, वीरगंज महानगरपालिका-११ बाट अवैध लागूऔषध ब्राउनसुगर जस्तो देखिने पदार्थ ३ ग्राम १ सय मिलिग्राम सहित सोही ठाउँ डेरा गरी बस्ने पटेर्वा सुगौली गाउँपालिका-४ घर भएका ४२ वर्षीय गौरी शंकर प्रसादलाई सोमबार दिउँसो प्रहरीले पक्राउ गरेको छ। वडा प्रहरी कार्यालय श्रीपुरबाट खटिएको प्रहरीले उनलाई उक्त पदार्थ सहित पक्राउ गरेको हो।

दाङ, तुलसीपुर उपमहानगरपालिका-१५ दक्षिण कुरहरियाबाट ब्राउनसुगर जस्तो देखिने पदार्थ ६ सय ९० मिलिग्राम सहित सोही ठाउँ बस्ने ३५ वर्षीय प्रविन चौधरीलाई सोमबार दिउँसो प्रहरीले पक्राउ गरेको छ। इलाका प्रहरी कार्यालय तुलसीपुरबाट खटिएको प्रहरीले प्रविनको घर तलासी गर्दा उक्त पदार्थ फेला पारी पक्राउ गरेको हो।

धनुषा, मिथिला बिहारी नगरपालिका-५ बाट नियन्त्रित लागूऔषध नाइट्राजेपाम ६७ ट्याब्लेट सहित सोही नगरपालिका-३ बस्ने ३८ वर्षीय अबध किशोर मंडल समेत ३ जनालाई सोमबार दिउँसो प्रहरीले पक्राउ गरेको छ।

प्रहरी चौकी ललियाबाट खटिएको प्रहरीले बेल्हीबाट मिथिलेश्वरतर्फ जाँदै गरेको मधेश प्र.२-०२-००८ प ४६४९ नम्बरको मोटरसाइकलमा सवार उनीहरूलाई उक्त लागूऔषध सहित पक्राउ गरेको हो।

Follow @nagarik_news