कोशी प्रदेशमा ‘उम्मेदवार मेला २०२६’: फागुन ९ गते डिजिटल नेतृत्व संवाद

काठमाडौँ । नेपालभर भर्चुअल माध्यमबाट सञ्चालन भइरहेको राष्ट्रिय संवाद शृङ्खला ‘उम्मेदवार मेला २०२६’ को चौथो सत्र कोशी प्रदेशका लागि आयोजना हुने भएको छ । आइसिटी फाउन्डेसन नेपालको पहलमा आयोजना हुन लागेको यस कार्यक्रममा कोशी प्रदेशका विभिन्न राजनीतिक दलका प्रतिनिधि सभा सदस्य उम्मेदवारहरूको सहभागिता रहने जनाइएको छ ।

कार्यक्रम फागुन ९ गते साँझ ५ः३० बजेदेखि ७ः३० बजेसम्म जुममार्फत् भर्चुअल रूपमा सञ्चालन हुनेछ । कोशी प्रदेशका नागरिक तथा युवाहरूले डिजिटल रूपान्तरण, सुशासन, युवा रोजगारी, शिक्षा, आर्थिक विकास, पर्यटन, कृषि, स्वास्थ्य तथा समावेशी विकासजस्ता राष्ट्रिय प्राथमिकताका विषयमा उम्मेदवारहरूसँग प्रत्यक्ष प्रश्न–उत्तर र संवाद गर्न सक्नेछन् ।