साइबर ब्युरोबाट रिहा भएपछि किशोर श्रेष्ठले भने, ‘प्रेस स्वतन्त्रता जिन्दावाद !’

काठमाडौं। साइबर ब्युरोबाट रिहा भएपछि जनआस्था साप्ताहिकका प्रधानसम्पादक किशोर श्रेष्ठले प्रेस स्वतन्त्रताको पक्षमा आवाज उठाउँदै सञ्चार जगतमा एकता प्रदर्शन भएको बताएका छन्।

शनिबार सामाजिक सञ्जालमा पोस्ट गर्दै श्रेष्ठले समाचार सम्प्रेषण गरेकै आधारमा पत्रकारलाई पक्राउ गर्न र सञ्चार उपकरण जफत गर्न नपाइने सर्वोच्च अदालतको मान्यता पुनः स्थापित भएको दाबी गरेका छन्।